By धेरैपल्ट
मेरो घरलाई थाहा छ –
तिमीले दिएको डायरीमा
रात विरात म कसको कविता लेख्छु ।
मेरो घरलाई यो पनि थाहा छ –
घण्टौँसम्म टोलाएर
क्यान्भासमा म कसको चित्र कोर्छु ।
तिम्रो शरीरको बासना
मेरै शरीरमा टाँसिएर
मेरो घरसम्म आइपुगेका छ ।
तिम्रो शिरको केश पनि
मेरै काँधमा अडिएर
मेरो घरसम्म आइपुगेको छ ।
तिमीले दिएको
सीसा भित्र गुलाफ भएको गिफ्ट
जोडी परेवाको चित्र भएको पोस्टकार्ड
तिम्रो हात छुँदै
मेरो हात हुँदै
मेरो घरसम्म आइपुगेको छ ।
आज तिमी –
पहिलोपल्ट मेरो घर आउँदा
पहिलोपल्ट आए जस्तो लाग्ला
तर तिमी –
तिमीलाई नै थाहै नदिई
धेरैपल्ट मेरो घर आएकी छौ ।
-Pari Vikram
Read More Nepali poem collection From Pari Vikram:
Read More Nepali Poem at Offline Thinker:
क बाट कलम ! जनक कार्की | Offline Thinker
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
Facebook Comments
