विवाहमा

दुई मन जोडिन्छन्

दुई घर जोडिन्छन्

तर जब जात, धर्म बीचमा आउँछ

तब विवाह एक युद्ध बनिदिन्छ ।

जहाँ,

हारे भने पुरै हार्नेछन्

जिते भने पनि आधा जित्‍नेछन्

केटीको घर केटाको ससुराली हुनेछैन

केटाको ससुराली हुनुपर्ने घर केटीको माइत हुनेछैन

भएर पनि नभएको

केटाको ससुराली अनि केटीको माइत

भएर पनि हुने छैन तिनका केटाकेटीको मामाघर

यसरी स्पष्टसँग

आधा जित र आधा हार बुझेर पनि

किन जन्मिरहेका छन् योद्धाहरू ?

परिविक्रम

Table of Contents

दिगो युद्ध | Nepali Poem | Pari Vikram

YOU MAY ALSO LIKE