सम्झे सम्झ न आजै, भोलि भुली जाने हो
जून झरी जाने हो, घाम फुली जाने हो
तिमी बयेली खेल्दै आउन बरु के गर्छौ ?
म त बाला हालेको धान झुली जाने हो
हिउँ जसरी सोहोर्ने त दुःख मात्रै रैछ
सुख्ख त यार्सागुम्बा झैँ बटुली जाने हो
वाचा त गरेँ, हामी चाँडो नै भेट्नेछौँ
खै आँखा कुन बिहानसम्म खुली जाने हो
मन पनि सङ्गै सङ्गै बिटुलाउँदै गएछौ
भन्दै- जम्मा दुइटा कप बिटुली जाने हो

परिविक्रम (२०८१-०७-२१)

Read More Nepali poem collection From Pari Vikram:

Read More Nepali Poem at Offline Thinker:

क बाट कलम ! जनक कार्की | Offline Thinker