Nepali Poem | उनलाई कलम उपहार | Sudarshan Poudel
घोटेर अनगिन्ती अधुरा सपनाहरू
रित्याएर एक्लो रातमा मलाई
सम्हाल्ने बोतलहरू
समेटेर असरल्ल छरिएको ‘म’ लाई
निचोरेर मुटु
नङ्गाएर लाज
मारेर आशा
भरिदिएँ मैले कलम मा मसी
च्यातिफालेँ तिम्रोलागि लेखेका कविताहरू
अनि छाड्दैछु यो कलम उपहार तिमीलाई
अब तिमी लेख्नु मलाई
कोर्नु रूपरंग मेरो
तिम्रो मनखाने जस्तै
‘म’ शून्यसंग गर्नु गणित
अनि सिउरिनु ‘म’ नै ‘म’ भएको कलमलाई
केसमा
म सम्झनेछु कि तिमीले मलाई अंगाल्यौ
-Sudarshan Poudel
Read More From Sudarshan Poudel:
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
Facebook Comments