By फ्ल्यासब्याकमा जिन्दगी
कुनै चलचित्रको रिल जस्तो
पहिलो प्रेमको फिल जस्तो
फ्ल्यासब्याकमा जिन्दगी
रहर र नियतीको द्वन्द्वमा पिसिएर आफ्नो अस्तित्व
ओझेलमा पर्नबाट मुक्त जिन्दगी
खुसी हुनको लागि कारण खोज्नुनपर्ने
जिउनको लागि उपर्युक्त जिन्दगी
न सामाजिक संजाल न समाजको संजालमा जेलिनुपर्ने जिन्दगी
न झुठो मर्यादा र अनुसासनको कोलमा
पेलिनुपर्ने जिन्दगी
फ्ल्यासब्याकमा जिन्दगी
काँचो सपनाको धरातलमा सपनामै रमाउने जिन्दगी
सपनाको आलौकिक संसारमा हराउने जिन्दगी
न अनेकौं प्रोग्रामले निर्देशित यन्त्र जिन्दगी
अन्तहिन आकाशमा उडिरहेको चराजस्तै स्वतन्त्र
जिन्दगी
फ्ल्यासब्याकमा जिन्दगी
आफ्नो सपनाको चिहानमाथि श्रद्धाञ्जली पोख्दै
गरेको आँखा जस्तो हुँदैनथ्यो रंगहीन जिन्दगी
इन्द्रेणीले रङ्ग घोलिदिएजस्तो रङिन जिन्दगी
न भावनाको कौरव र संवेदनाको पाण्डवबीचकाे महाभारतमा पिल्सिनुपर्ने कोलाहल जिन्दगी
नदिजस्तै जति बग्यो त्यति सफा
न झुठो परिपक्वता र विवशताको पहाडबीच
जमेको ताल जिन्दगी
फ्ल्यासब्याकमा जिन्दगी
कुनै चलचित्रको रिल जस्तो
पहिलो प्रेमको फिल जस्तो
फ्ल्यासब्याकमा जिन्दगी
Read More From Sudarshan Poudel:
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
