जिन्दगीको मोर्चामा हामीसंगै थियौ,
मात्र फरक यति थियो कि
तिमी शत्रु पक्ष।
म चाहन्छु
मेरा कुनै बारूद र क्षर्राले
तिम्रो रूप विभत्स नबनोस्,
घर नउजाडियोस्
र नबनुन् सपनाहरू टुहुरा।
जीवनको मध्यबाटोसम्म मारहान्न सक्ने
मेरा नजरका तोपहरू
बसिरहुन् तिम्रा आगन र चोकहरूमा
र
त्रसित रहुन बैरीहरू
जो जात र भातकै नाममा
दुईतर्फी मोर्चामा हामीलाई
सामेल गराइ
गरे युद्दको सॅखघोष।
आउ लडौ,
अझै लडौ
ताकि दुनियॅाले देखोस्
प्रेम प्रेम नै हुन्छ,
चाहे धरापमा नै किन नपरोस्।
स्वार्थ र अहॅकारका
बॅकरहरुमा
चेतनाका मिसाईल झर्दा
कम्पन आवोस्
रुढिग्रस्त समाजमा
र
भत्किउन सारा जडहरू
र
हामी गरौला युद्दबिराम
र
शान्ति सम्झौता
हामीले साटेका रूमालहरूको झन्डा फहराउदै ।
शुभ बिहानी धुन बजोस्
हाम्रा मिलनका चहानाहरूको
र
पुजारी बनुन् तिम्रा र हाम्रा
ईस्टमित्र
एकता र सौहार्दताको
घण्ट बजाउदै
र जात रहित समाजको पन्चाम्रित
बॅाड्दै
र बिजयी बनोस् हाम्रो माया।
-कुमाराज सुबेदी, अस्ट्रेलिया
Read More From Kuma Raj Subedi
Read More Nepali Poem at Offline Thinker:
प्रेमपत्रले पल्टाइदिएका अतितका पाना | Muskan Pandey
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com