By म बलात्कृत भएकी
भोलिदेखि म सुरक्षित छु?
साथीसँग हाँस्दै खेल्छु
बिस्कुट किन्न जान पाउछु
के म सुरक्षित छु?
आज नयाँ वर्ष रे
मेरा चिच्याहट अब सुनिन्ने छैन
मेरा ती योनीबाट रगत बग्ने छैन
मेरा ती आँखाबाट आँसु झर्ने छैन
के म सुरक्षित छु
आज नयाँ वर्ष रे
मेरा अनुहारमा एसिड आउने छैन
मेरा सुन्दरता कुरुप हुनेछैन्
अब म समाजलाई अनुहार देखाएर हिड्ने छु
के म सुरक्षित छु
आज नयाँ वर्ष रे
म भोलिदेखि स्कुल जानेछु
बाबालाई भोक लागे बिस्कुट किन्न जानेछु
आमालाई मेलापातमा खाजा पुर्याउने छु
के म सुरक्षित छु
आज नयाँ वर्ष रे
आजबाट म बोक्सीको रुपबाट देवि हुनेछु
राणीको रुपबाट काली हुनेछु
बलात्कृतबाट बालिका हुनेछु
विदुवाबाट दुर्गा हुनेछु
के म सुरक्षित छु
आज नयाँ वर्ष रे
शब्दै शब्द भएको मेरो समाजले
न्यायको लागि आवाज उठाउने छ
राति भेट्दा गन्तव्यमा पुर्याउने छ
सम्मान गर्ने छ
पुजा गर्ने छ
माया गर्ने छ
मीठो वचन दिनेछ
के म सुरक्षित छु
आज नयाँ वर्ष रे
म बलात्कृत भएकि
Photo by Aaron Burden
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
