By कालो रातको त्यो धपक्क बलेको जुनलाई सोध
हिलाम्मे दहमा फूलेको त्यो कमललाई सोध
कमलमा लत्पतिएको भमरालाई सोध
कति चहन्छौ मलाई आफ्नो मनलाई सोध
जमिन छुन झर्दै गरेको त्यो पातलाई सोध
आकास छुन लम्किएका हजारौं पहाडलाई सोध
तराईका ती हरियाफाट हाँसिरहेको माथालाई सोध
कति चहान्छौ मलाई आफ्नो मनलाई सोध
समुन्द्रलाई सोध त्यो गहिराइलाई सोध
खोलालाई सोध त्यो चञ्चलतालाई सोध
ताललाई सोध त्यो सुन्दरतालाई सोध
कति चहान्छौ मलाई आफ्नो मनलाई सोध
मुसुक्क उदाउने त्यो गुलाबी ओठलाई सोध
घाइते बनाउने त्यो कर्के नजरलाई सोध
सोध्दै जाउ सोध्दै जाउ सोध्दै-सोध्दै जाउ
कति चहान्छौ मलाई………….
Read More Poem by Junior Shivaraj Koirala:
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
Facebook Comments
