By यो झोलाभरीको प्रमाणपत्र
नाम र जन्म मिति हेर्न भन्दा
काम लागेकै छैन्
तर पनि म सम्हालेर राख्दै छु
र अझै रहर उस्तै छ थपिरहन ।।
भोकको भोजन
रोगको मलम
र अभावको साथी
केही हुन सकेको छैनन्
सानै हुँदा बा ले भन्नुहुन्थ्यो
प्रमाणपत्र भएको भए त
म पनि सुब्बा साब भएको हुन्थेँ
त्यसपछि त झनै रहर बढेको छ
प्रमाणपत्र जम्मा गर्न र सम्हालेर राख्न
अहिले यी सम्हालेर राख्न नसकिने
प्रमाणपत्र छन् मसँग
तर एउटा काम लाएको छैनन्
हैन कमी म मा छ कि
यी मेरा प्रमाणपत्रहरुमा ??
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
Facebook Comments
