म पहिला त लामो सास फेर्छु | ३० वर्ष कुनै ठट्टा होइन | म सेवामा रहुन्जेल कसैको नराम्रो गरिन | म एक राष्ट्रको नागरिक | नेपालमा अबकास पाएको दिन म जति खुसी कोहि नि हुँदैन होला। किनभने म मा छलकपट गर्ने आट छैन | हुन त छोटो समयको कार्यभार सम्हाल्ने देव शमशेर नि कम्जोर होइनन| उनको कार्यकाल १०० दिन भन्दा कम भएपनि ११४ भन्दा बढी स्कूल खोले | काम गर्न समय होइन आट चाहिन्छ भन्ने कुरा उनले प्रमाणित गरेका थिए | त्यसैले त आज मैले अवकास पाएको दिन उनलाई सम्झदै छुँ |
मलाई तीस वर्षसम्म कसैले खुट्टा तानेनन् | ३० वर्षसम्म मैले राज्यलाई जति दिए राज्यले नि मलाई त्यति नै सम्मान दियो | राजनीतिमा स्थिरता थियो | यस कार्यकाला ५-६ जनाभन्दा बढी प्रधानमन्त्री फेरिएको देखिँन | मेरो देश साँच्चै विश्वको एक उत्कृष्ट नमुना हो |
…………………………
“आज अमेरिकी दूतावासन जाने हो?” कसैले मलाई बाहिर कोठाबाट गुहार्यो। मेरो शरिर पसिनाले भिजेको थियो| म त खाटमा सुतिरहेको रहेछु। म त सपना देखिरहेको रै’छु क्यारे| आमाले छिटो उठ् भनेर हप्काएपछि बल्ल आँखा खुल्यो।
ए अँ त, मलाई त आज दूतावास जानु थियो। हतारहतार तयार भए र निस्किए। दूतावास जादै गर्दा भूतपूर्व प्रधानमन्त्री बालुवाटारबाट अवकास लिएर बालकोट जादै थिए। बाटो पुरै जान थियो। मलाई समयमा पुग्नु थोयो तर उनका समर्थकले र्याली गरेर बाटो छोकेका थिए।
उनलाई के थाहा म पनि आज नेपालबाट अवकास लिएर सदाकाो लागि अमेरिका जाँदैछु | जति राम्रो कार्यकाल भएनि अवकास त अवकास हो |
मलाई दुःख लाग्यो किनभने राज्यले हुर्कायो बढायो तर राज्यको निम्ति म युवाले केहि गर्न सकिन। म यहाँबाट जाने कुनै रहर त होइन तर बाध्यताले देश छोड्नु परेको छ| प्रधानमन्त्रीलाई पुर्याउन आएका समर्थकलाई त केहि राहत मिल्छ सक्ला तर म समर्थक नभएकोले महिनौदेखि बेरोजगार हुन पुगेँ। त्यसैले परिवारको व्यथा बुझेर देश छाड्दैछु किनभने मलाई देश बनाउनु छैन, परिवार पाल्नु छ।
Read More From Sudip Simkhada:
Also Read:
Association Between Capacity and Personality | Sudip Simkhada
Association Between Capacity and Personality | Sudip Simkhada
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com