Table of Contents

यो एकान्त कुना जुनेली रात आज मन रमेको छ

शितल हावा मीठो आभाष यसैमा मन झुमेको छ

छाना बन्यो आकाश पाउँ जमिनमा मन दङ्ग परेको छ

लाग्छ आज शीत बनिकन अमृत नै झरेको छ

मन भित्र हल्चल नौलो प्रकृति सुन्दर बनेको छ

मुटुले आज सबै दुःख पीडा भुलिदेउँ भनेको छ

हो कि प्रभाव प्रकृतिको जीवन नै सुन्दर लाग्दै छ

एकाएक आज एक्लोपनका भावना मनबाट भाग्दै छ

आज थाहा भयो प्रकृतिसँगै रम्न सकिने रहेछ

प्रकृतिसँगै रमेर होला आज संसार विरानो भएछ

यदि एक्लोपनले सताए साथी प्रकृति भेटन आउनु है

अमर मित्रताको खोजी भए प्रकृतिसँग मित्रताको साईनो लाउनु है ।

आज मन रमेको छ | कविता | Ina Basnet [Offline Thinker]

Read More From Ina