म मनका भावनाहरू

कवितामा उतार्न चाहन्छु

देखेका सपनाहरू

कवितामा समेट्न चाहन्छु

खुला आकाशमा पन्छी उडेसरी

स्वतन्त्र जीवन जिउने रहर छ मेरो

काँडा बीचमा गुलाफ फूलेसरी

हर कठिनाइका बीचमा मुस्कुराउने रहर छ मेरो

अनेक मानिसहरुका अनेक सपना छन् यहाँ

मेरा जस्तै

सपना अनेक भएपनि

म

त्यही अनेकतामा एकता खोजिरहेछु

थाहा छैन सपना कहिले पुरा हुन्छ !

तर म विश्वास बाँधेर बाँचिरहेछु

कलामा रमाउने

साहित्यमा डुब्ने प्रयास

प्रयास निरन्तर छ

मेरो कलम रोकिएको छैन, रोकिने छैन ।

Table of Contents

Nepali Poem | रोकिने छैन | Santusti Parajuli

प्रेमपत्रले पल्टाइदिएका अतितका पाना | Muskan Pandey