By म अधुरो कथाहरू पूरा गर्न चाहन्छु,
यदि तिमी अन्त्य नभएको सपना हौ भने।
म हराएका आवाजहरूलाई पुनः जन्म दिन चाहन्छु,
यदि तिमी मौनताभित्र लुकेको संगीत हौ भने।
म समुद्रको छालमा कविता कोर्न चाहन्छु,
यदि तिमी किनार बनी तिनलाई साक्षी बस्छौ भने।
म उजाड पहाडहरूमा हरियाली उमार्न चाहन्छु,
यदि तिमी वसन्त बनी बिस्तारै फैलिन सक्छौ भने।
म रातलाई चन्द्रमाको गीत सुनाउन चाहन्छु,
यदि तिमी ताराहरू बनी एकसाथ चम्कन सक्छौ भने।
म जीवनका हर रंगलाई अक्षरमा सजाउन चाहन्छु,
यदि तिमी क्यानभास बनी धैर्यसाथ उभिन सक्छौ भने।
म भावनाहरूलाई अमर बनाउन चाहन्छु,
शब्दहरूलाई जिउँदो बनाउन चाहान्छु,
र समयको गर्भमा आफूलाई छोड्न चाहन्छु,
यदि तिमी जीवनभरि मेरो कलम बन्न सक्छौ भने।
किनभने म कवि बन्न चाहन्छु…
-Diksha Phuyal
Read more Nepali Poem:
Read More Travel Stories From Offline Thinker:
Read More Nepali Story at Offline Thinker:
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
