Nepali Poem | म | | Prabhat Paudyal

शब्द पिछे
फेरिने अक्षरहरू
वाक्य पिछे फेरिने
शब्दहरु
हरफ पिछे फेरिने
वाक्यहरु
कविता पिछे
फेरिने हरफहरु
श्रोता पीछे
फेरिने कविताहरु
कवि पिछे
फेरिने श्रोताहरु

तर
अक्षर
शब्द
वाक्य
हरफ
कविता
श्रोता
संग परिवर्तन नहुने कविहरू
जस्ताको तस्तै रहिरहन्छन्
जहाँको तहीँ भइरहन्छन्
लेखिदिन्छन् ति परिवर्तनहरुलाई

र
यही  भिडमा
तिनै
अक्षर
शब्द
वाक्य
हरफ
कविता
श्रोताहरुले
कवि बनाइदिएका
म