बा, माइतीघरको डाँडामाथि पढ्न जान्न म

व्यवस्थापनको जरो आउछ त्यहाँ

विद्यादेवी सरस्वती मातालाई

पूजीदैन सरस्वती पूजामा

बा, आमा

तपाईंहरुको आदर्श सदैव मसँग छ

तपाईं मानिसलाई

नमस्कार गर्न सिकाउनु हुन्छ

आमा देउतालाई;

त्यो डाडामा विवेकशीलहरु

ढाेका लगाइ

माक्सवाद र समाजवादका

गहकिलो कुरा गर्दछ्न्

विद्यार्थी डाँडादेखि ओराली लागेर

एउटा खाजा घरमा पस्दछ्न्

बालकले परौठा

तिनका अगाडि राखिदिएसी

आआफ्नो पेट भर्दछ्न्

रहर छैन् मलाई मानिसको आलोचना गर्न

म भोक्ता र साक्षी मात्र हुँ

बा, म नेपाल यातायात चढी

किताब बोक्ने झोलामा

कुन्ठै कुन्ठा बोकी फर्किन्थेँ

त्यसैले बा, माइतीघरको डाँडामाथि पढ्न जान्न म

त्यहाँ व्यवस्थापनको ज्वरो आउँछ

आज मेरो ज्वरो बढेर

निमोनियाँ होला जस्तो लागेको छ

बा, माइतीघरको डाँडामाथि पढ्न जान्न म ।।

( कवि हरिभक्त कटवालकाे स्मृतिमा )

-Nepali Poem

Image by toalfee

माइतीघरमा आउने जाने एक आगन्तुक | Nepali Poem By Secret Thinker

Read More Nepali Poem at Offline Thinker: