By “सफल भएपछि भनिहाल्छु, एकपल्ट फुल्न कति चोटि भाँचिएको छु” — यो लाइनभित्र लुकेको छ धेरै जनाको नबोलिएको कथा।
आजको समाजले सफलता देख्छ, फुल्दो फूल देख्छ, तर त्यो फूलको जरामा लागेको चोट, आँधी, र हावाले हल्लाएको क्षणहरू देख्दैन।
हामीलाई त चम्किलो पल देख्न मन लाग्छ, तर त्यो चम्किलो पल ल्याउन कति रातहरू निद्राहीन भए, कति पल आँसुमा बगेर गए भन्ने जान्न कोसिस गर्दैनौँ।
हरेक उपलब्धिको पछाडि हुन्छन् धेरै असफलताहरू —
कहिले आफ्नै मन बुझाउन नसक्ने पीडा,
कहिले परिवार र समाजको अपेक्षाको भारी,
कहिले त आफूभित्रको डर र निराशासँगको लडाइँ।
तर हामी चुप लाग्छौँ।
किनभने जबसम्म सफल हुँदैनौँ, हाम्रो भित्रको कथा कसैले सुन्दैन।
जब फुल्छौँ, तब मात्र सबैले ध्यान दिन्छन्। त्यसैले भन्छौँ —
“एकपल्ट सफल त हुन देऊ, अनि भन्छु — यो फुलाइ कति चोटि भाँचिएर आएको हो।”
त्यो एक पलको चमक — हाम्रो सम्पूर्ण सङ्घर्षको मौन साक्षी हुन्छ।
त्यसैले, जब तपाईँ कसैलाई फुलिरहेको देख्नुहुन्छ, याद गर्नुहोस्:
शायद उसले त्यो फुलाइको लागि सय चोटि भाँचिनु परेको छ।
Read more from Sabina Karki:
Read More Travel Stories From Offline Thinker:
Read More Nepali Story at Offline Thinker:
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
