By बिना कुनै शृंगार तिमी मैले हेर्दा कति राम्री
होइन कसैको अवतार तिमी मैले देख्दा कति राम्री ।
लजाउँदै मुस्कुराउँदा झन तिमी साह्रै राम्री
सुटुक्क मेरो मन चोर्दा झन तिमी कति राम्री । ।
टाढैबाट तिमीलाई हेर्दै लजाउने गर्थें म
नजिकबाट तिमीलाई नियाल्दा झन तिमी कती राम्री ।
तिम्रो मीठो मुस्कान हेर्न कति समय कुर्थें म
मेरै सामु हाँसिदिँदा झन तिमी कति राम्री । ।
तिम्रो आँखाको गहिराइमा म त सधैं डुब्ने गर्छु
आफ्ना नजरले सारा संसार, घायल पार्दा कति राम्री ।
तिम्रो सौन्दर्यको वर्षातमा म त सधै भिज्ने गर्छु
वरिपरी मात चडाउँदै पाइला सार्दा कति राम्री । ।
विपनामा तिमीलाई हेर्दै समझनामा कल्पिरहन्छु
सपनामा मेरो सामु आउँदा त कति राम्री ।
मेरो मनको आँखाबाट तिम्रो बयान गरिरहन्छु
मेरै दिलको भित्ता भरी छाउँँदा त कति राम्री । ।
तिमीले केश फिजाउँदा मेघ पनि लजाउछ
बादल जस्ता तिम्रो केश फिजौदा कति राम्री ।
तिम्रो स्वरको मिठासमा वेग पनि हराउछ
आफ्नो स्वरले सारा संसार रिझाउँदा कति राम्री । ।
Read More Nepali Poem at Offline Thinker:
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
