By “निर्देशक ”
रिल जीवनी लिएर आयो निर्देशक
ऐतिहासिक जीवनलाई चलचित्र नै बनायो निर्देशक ।
वाह!! सलाम छ
आलिसान मोटरगाडी अनि महलसितै खेलिरहदै बिताएको जिन्दगानी
के सत्य नै थियो त ?
संसारदेखि टाढाबसी, सपना बुन्दै
अभिनयको प्रसारण नै गर्छन्
रिल जिन्दगानी,दर्शकमाझ-
एकपलको समय नै बाँधीराख्छ सिनेमावाला ।
हामी पनि हर कोही नायक नायिका हौं
आफ्नै जीवनीको ।
निर्देशक निर्माता पनि आफै
छायाङ्कन हुदैंनन् पलहरू,
तीतो अनि मीठो सम्झना मात्रै रहिरहन्छ!
कुनै रि-टेक हुँदैन
बस चक्रझै चलिरहन्छ ।
बगेको खोलाझै-
उमेरसितै जवानी दौडी रहन्छ
कालो कपाल पनि सेतो भई फुल्छ
जीवनीको गाथासितै ।
बस कहिलेकाहीँ –
ऐना हेर्दै मुसुक्क हाँसेको!
दुःखमा मनको भावना आँसुसित बगेको
ऐक्लै ऐनाअघि बरबराएको ,
त्यसैले त ऐनाको अविष्कार भएछ ब्रह्माण्डमा।
रुमल्लिएर हिँडेको बटुवा पनि
खोलाको बगरमा बिसाई,
अंजुली भरी पानी लिई
आफ्नो प्रतिबिम्ब पानीको लहरमा भेटाउँछ ।
यही नै त रहेछ-
कसैले कागजको पन्नामा लेख्दैछ
जिन्दगी! त कसै सिनेमाको इन्द्रेणीझै
रमाउँदैछ जिन्दगी।
Read more from Nepali Poem
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
