जनजीवन ग्रस्त यहाँ ,विश्व मौन भुमरीमा ।
डडेलोको कालो मात्र ,दशा हैन भ्रामरीमा ।
मुस्कुराउन छाडिएका,अनुहारको भाव हेर,
पानीमात्र पेटभरी ,धान छैन भकारीमा ।
हुण्डरीले उड्याे छानो बाकी रह्यो खाबो मात्र !
भोको पेट माग्छ खान, नुन छैन तरकारीमा!
राहत त आयो सुन्थे, धन्यवाद छ सरकारलाई ,
कस्ले हाल्ने दान यहाँ ,भिख छैन टोकरीमा ।
कर्म भने गरेकै हो, पेट पाल्न ! महामहिम
बन्द भयो चोक सबै ,पेसा छैन चाकरीमा ।
पिंजडाको सुगा सरी,थुनिएको जगतमा
बिमुख छ काल पनि, पोस छैन सुत्केरीमा ।
कोइली बास्दा कोरोनाको ,वसन्त नै गयो कहाँ?
वृद्ध माँ लाई औषधि खै? ,ओज छैन फिट्किरीमा ।
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
Facebook Comments