By कालापानीमा
जहाँ
सेता बरफका टुक्राले
सजिएका छन्
पहाडका टाकुराहरु
र
फेदहरु सुसज्जित छन्
कलकल झरनाहरुले
जहाँ
सुवास छरेकी छिन्
प्रकृतीले वन पाखाहरुमा
रङ्ग भरेकी छिन् इन्द्रेणीले
कुना कन्दराहरुमा
सुन्दरतामा
कालापानी स्वर्ग हो
स्वर्गको हिस्सा हो
सदीऔँदेखि
माहाकालीले बगाइरहेको
एक जिवन्त इतिहास हो
विरतामा
कालापानी पुर्खाको गौरवगाथा हो
जहाँ
कुनै समयमा वैरीको रगतले
नुहाएको थियो हाम्रो खुकुरी
जहाँ
बल्भद्रका प्रत्येक
पदचापमा गुन्जिएको
थियो बिजयी धुन
तर
बिडम्बना वर्षऔँ देखि
कालापानीमा
सत्रुका बुटहरु धावा बोलिरहेछन्
हाम्रो इतिहासमाथि
कुल्चिरहेछन् हाम्रो स्वाभिमान
र प्रहार गरिरहेछन्
हाम्रो हृदयमा
अत्ति भो
अब त समयले हामीलाई
गिज्याएको पनि
हाम्रो राष्ट्रभक्ति
प्रश्न नै प्रश्नले च्यापिएको पनि
त्यसैले
फेरी एकपल्ट लड्नु छ
युद्ध कालापानीमा
ध्वस्त बनाउनु छ
दुस्मनका किल्लाहरु
पराजित गर्नु छ शत्रुको अहन्कार
र
रोप्नु छ चन्द्र सूर्य
एकाबिहानै कालापानीमा ।
-Mahadev Bista
