आफै आफ्नो घमन्डमा लिपिएर

अरूको गर्व लतपताउने,

आफ्नो घाइते घमन्ड मै

गर्व गर्ने यो संसार

मलाई मनपरेन।

यो धर्ममा अल्झिरहेने

बनवटी बिचारधारा र

आदर्शवादी सोचमा बल्झिरहने

पल पल आफ्नो बिबेक गुमाइरहेने यो संसार

मलाई मनपरेन।

धनका भोका, शक्तिका भोका

मोज मस्ती र एसओ आरामका भोकाले

भरिपूर्ण यो हन्तकाले संसार

मलाई मनपरेन।

रिस, आरिस, डाहा

वासना, अभिलाषाका चोक्टाले बनेका,

मासुको थुप्रोभित्र लुकेका

Murkhauti सासहरू बसोवास गर्ने यो संसार

मलाई मनपरेन।

आज म खाटमा पल्टेर

संसार विनाश भएको कल्पना गर्छु,

आँखालाई सुताउँछु, कानलाई तन्काउछु र

कहिल्यै नगुन्जिएको शून्यताको सुरिलो धुनलाई

सुनेर रमाउँछु।

किनभने मलाई यो संसार मनपरेन।

-Biswas Prabin

मलाई यो संसार मनपरेन । कविता | Biswas Prabin | काव्यकुञ्ज कविता प्रतियोगिता