By 25 Love quotes by Subin Bhattarai
- मलाई विशुद्ध माया चाहिँदैन । किनकि माया शुद्ध हुनै सक्तैन । मायामा अलिअलि कचकच, अलिअलि घुर्की, अलिअलि रिस, अलिअलि बेवास्ता भएन भने त्यो माया मायाजस्तै नलाग्ने रैछ ।
- सबैको नसीबमा प्रेम लेखेको हुँदैन । जसको नसीबमा लेखेको हुन्छ, उसले नजिकै भएर पनि देखेको हुँदैन ।
- आँशु एउटाको आँखाबाट खस्छ, भेल अर्कैको मुटुमा पस्छ । सायद यहि होला माया भनेको ।
- सपनामा धेरै आउने मान्छे प्राय यथार्थमा पनि सपना बनेर रहन्छन् ।
- प्रेम डरको डोरीमा आफैँलाई बाँधेर गर्ने चीज होइन, रहरको धागोमा बाँधेर उडाउने चीज हो । त्यसैले डरमा प्रेम हुँदैन । र, प्रेममा डर हुनुहुँदैन ।
- हरेक कदममा सबैको कहाँ साथ भेटिन्छ.
आखिर चन्द्रमामा पनि त दाग भेटिन्छ ।
- प्रेममा पर्न कत्ति पनि समय लाग्दैन, तर प्रेम चिन्न सदियौँले पुग्दैन ।
- मुटु यस्तो घर हो, जहाँ थुप्रै मान्छेका सम्झना झगडा नगरीकन बस्न सक्छन् ।
- डोरीजस्तो बलियो सम्बन्ध चाहनुहुन्छ भने धागोजत्तिको विश्वास गर्न सिक्नुस् । किनकि सम्बन्ध विश्वासले चल्छ, आशले होइन ।
- जो जो आउँछन्
एकैनाशले आउँदैनन् जीवनमा,
कोही आउँछन् जानका लागि,
कोही आउँछन्, मुटुमै घर बनाउनका लागि ।
- दवाबले प्रेम हुन्न ।
प्रेम प्रभावले हुन्छ ।
र, कसैमा प्रभाव जमाउनका लागि
स्वभाव चाहिन्छ ।
असल स्वभाव ।
- पानीमा भिज्नु र घरबाट पानी परेको दृष्य हेर्नुमा त्यति नै फरक छ जुन फरक प्रेम गर्नु र प्रेमकथा पढ्नुमा छ ।
- भाग्यमा हुने मान्छेको नाउँ निधारमा लेखिन्छ, नहुनेको नाउँ मुटुमा ।
- प्रेम जहिले भेटियो, त्यो समय मीठो । प्रेम जति भेटियो त्यो तृप्ति मीठो । प्रेम जसरी भेटियो, त्यो अवस्था मीठो । भेटेरपनि नभेटिएजस्तो लाग्ने प्रेमको तृष्णा मीठो । नभेटेपनि भेटेजस्तै लाग्ने प्रेमको भ्रम मीठो ।
प्रेम हर समयमा मीठो । हर उमेरमा मीठो । प्रेमको हर रंग मीठो, प्रेमको हर रुप मीठो ।
- बरु नलागोस्, केही छैन
तर लाग्नु नै छ भने
कस्सैको माया
यसरी लागोस्
आएपनि नआएपनि फिर्ता
दिनमात्रै मन लागोस्
- जसले जे भनोस्, मलाई त मौषमी माया नै चाहिन्छ । जाडोमा न्यानो माया । गर्मीमा सीतल माया । अनि बर्खामा ओतसहितको माया ।
- केही मान्छे जीवनमा यसरी भेटिन्छन्,
भाग्यमा विश्वास नगरी मनै मान्दैन ।
- माया त यस्तो पनि होस्
छोएर कहिल्यै नपुगोस्
छोइएर कहिल्यै नअघाइयोस्
- सधैँभरी प्रेम बर्खामा मात्र मीठो हुँदैन । कहिलेकाँही प्रेम त तिर्खामा पनि मीठो हुन्छ ।
- ‘कति माया गर्छौ ?’
‘बाहिर जाउ र आकासबाट बर्षेका पानीका थोपा गन । हो, त्यति नै माया गर्छु ।’
- केही मान्छे सारै मिहिनेती हुन्छन् । मुटुमै घर बनाइदिन्छन् ।
- कहिले आँखामा रसाउँछ प्रेम । कहिले मुटुमा बिझाउँछ प्रेम । पाइला पाइलामा ठेस पनि लगाउँछ प्रेम । सुःखले फुक्र्याउँदै आएको होस् या दुःखमा घुक्र्याउँदै आएको होस्, हर समयमा कुनै चाड झैँ आउँछ प्रेम । जतिसुकै उजाड, जतिसुकै निस्सार मनमापनि एउटा दियो बालेरै जान्छ प्रेम ।
- प्रेमको आकाश मीठो । प्रेमको धरती मीठो । प्रेमको मरुभूमी मीठो । प्रेमको त हिलो पनि मीठो । प्रेमको जुनसुकै रुप मीठो । प्रेम हर ठाउँमा मीठो । प्रेमको जुनसुकै जात मीठो । प्रेमको हर साथ मीठो ।
- ठूलो पानी परिरहेछ,
बिजुलीका तारमा बगिरहेछन् पानीका थोपाहरु
एउटा थोपा बगेर पर जान्छ र अर्कोसित मिसिन्छ ।
आहा ! मनसुनमा त पानीले पानीलाई पनि कति प्रेम गरेको ।
- प्रेम यति अग्लो छ कि आकाश पनि होचो लाग्छ । प्रेम यति गहिरो छ कि सागर पनि सतही लाग्छ । प्रेम यति फैलिएको छ कि धर्ती पनि साँघुरो लाग्छ ।
-Video by Subin Bhattarai
Read More From Subin Bhattarai:
Follow Offline Thinker on Facebook, Twitter, and Instagram. You can send us your writings at connect.offlinethinker@gmail.com
Facebook Comments
