By कागजका ती पानाहरू
जहाँ तिमीले लेखेका थियौ
तिनै रेखाहरूको बीचमा
तिम्रो अनेकौ भावनाहरू
हाम्रो प्रेम बसेको अनि आँसुमा डुबेको
एक अर्काको स्पर्स बिनाका ती पलहरू
छातीमा मैले आफ्ना कथाहरू लुकाएर राखेको छु
जब लाइटहाउसबाट तिम्रोतर्फ
मेरा पाइलाहरू प्रकाशित भए
तर पनि हाम्रा हातका रेखाहरू गासिएनन्
यो निरंकुश अनि क्रूर समयमा
मेरो आकाशका मडारिएको कालो बादलहरू
यो रातको मौन चन्द्रमामा
मैले तिमीलाई खोजिरहे
त्यो असीम दूरी अनि गहिरो पीडा
हाम्रो जस्तो प्रेम जुन जुनी जुनीको लागि थियो
तर आज यसको केही अस्तित्व रहेन
म मेरो दु:ख लुकाउँछु
म आशा गर्दछु तिमीले मलाई बिर्सेको छैनौ।
म आज निराश छु
जीवनमा अरू केहि पनि छैन
म मात्र तिम्रा कविताहरू कोर्ने गर्दछु
मेरो कथाले
सबै आफन्त गुमाए
म जन्मनु भन्दा पहिले
हजुरआमा एन्टोनेट
हजुरआमा नेग्रीटा
हजुरबुबा सेसारीयो
हजुरआमा लियोन्टीना
हजुरबुवा इग्नेसियो
…
काकी
भतिजा
…
आज मात्र म बाचेको छु
मन भित्र भित्रै मरेर
Translated by Sandesh Ghimire
Read More From Márcia Batista Ramos
